Kryetari i Komunitetit Mysliman të Shqipërisë, H. Bujar Spahiu, priti në një takim Myftiun e Beratit z. Baftjar Këllezi dhe imamët e kësaj myftinie.
Bashkëbisedimi ndërmjet tyre u përqendrua në aktualitetin e myftinisë së këtij qyteti.
Më tej, myftiu z. Këllezi dhe imamët pjesëmarrës e uruan Kryetarin e KMSH-së për zgjedhjen e tij në krye të institucionit dhe e siguruan atë për kontributin e mëtejshëm në shërbim të besimtarëve myslimanë të rrethit.
Kryetari i KMSH-së i falënderoi për vizitën dhe urimet e përzemërta dhe u shpreh entuziast për të punuar së bashku në shërbim të islamit, kulturës dhe vlerave të tij.
