Një delegacion i Komunitetit Mysliman të Shqipërisë, i kryesuar nga Kryetari Skender Bruçaj, zhvilloi një takim kortezie në Bankën Islamike për Zhvillim në Mekë.
Delegacioni u prit nga z. Ahmed Tiktik, zv/president i Bankës Islamike për Zhvillim.
Në takim u fol për bashkëpunimin e frytshëm mes dy institucioneve dhe mundësinë për zgjerimin e tij në fusha të tjera me interes.
Një tjetër vizitë ishte ajo e zhvilluar në Zyrën e Lidhjes së Botës Islame, ku delegacioni është pritur nga z. Abdullah bin Abdul Muhsin Et-Turki, sekretar i përgjithshëm i këtij institucioni.
Z. Turki falënderoi delegacionin për vizitën dhe e garantoi z. Bruçaj se ndihma e institucionit që ai drejton nuk do të mungojë edhe në të ardhmen.
Ndërsa Kryetari Bruçaj falënderoi z. Turki për ndihmesën e vazhdueshme duke kërkuar në vazhdim rritjen dhe forcimin e bashkëpunimit mes dy palëve.
14 Janar 2015
